Պատասխանել Ադրբեջանի հերթական քարոզչական պատվերին
Ինչպես շատերդ գիտեք, մայիսի 31-ին «Նյու-Յորք Թայմս» թերթում ակնհայտ պատվիրված մի հակահայկական հոդված է հրապարակվել. Frozen Conflict’ Between Azerbaijan and Armenia Begins to Boil.
Կարծում եմ արժե պատասխան տալ, թեկուզ թերթի խմբագրությանն ուղղված նամակի ձևով։ Նամակում կարելի է հնչեցնել հետևյալ թեզերից ցանկացածը կամ մի քանիսը միասին.
- Հոդվածում առկա է ակնհայտ ադրբեջանամետ դիրքորոշում։ Ադրբեջանը ներկայացված է որպես զոհ, և Ադրբեջանի կատարած բարբարոսությունների մասին խոսք անգամ չկա։ Հեղինակը իր հոդվածը կառուցում է Հայաստանի վրա չարացած սոցիալական խմբերի ներկայացուցիչների հտ հարցազրույցներից ցիտումների վրա։
- Պարբերաբար ցիտվում են պատերազմի կոչեր` հակառակ նույն ԵԱՀԿ Մինսկի խմբի հայտարարությունների, ուր պահանջում է կողմերից խնդիրը կարգավորել բացառապես խաղաղ ճանապարհով։
- Ադրբեջանը մոտ 15 տարի իր փախստականներին համակենտրոնացման ճամբարներ հիշեցնող վրանային քաղաքներում է պահել` թույլ չտալով հեռանալ կամ լիիրավ քաղաքացիություն ստանալ, այդ իսկ պատճառով էլ նրանք այժմ թշվառ վիճակում են։ Մինչդեռ հեղինակը նրանց թշվառության մեջ Հայաստանին է մեղադրում։ Ընդ որում հայ փախստականների մասին հոդվածում խոսք անգամ չկա։
- Հեղինակը սխալ է ներկայացնում բանակցային գործընթացը. ըստ գրվածի այնպիսի տպավորություն է ստեղծվում, թե միջնորդները միայն զբաղված են Հայաստանին համոզելով, որ վերջինս համառություն չանի ու հանձնի այն ամենն, ինչ որ «խլել է» Ադրբեջանից։
- Հեղինակը պնդում է, թե Ադրբեջանը երբ ցանկակա կարող է դուրս շպրտել ՀՀ զորքերը Արցախից, և միակ հետ պահողը Ռուսաստանն է։
- Չէր խանգարի նաև նամակներում հիշատակել խաղաղ հայերի դեմ կատարված Ադրբեջանի հանցանքների մասին։
Via Makar1os
Նամակներն անհրաժեշտ է ուղղել letters@nytimes.com հասցեով
Ընկերանալ Ֆշտուկ