Քարտեզագրական շանթամբոխի հետքերով
Հիշո՞ւմ եք քարտեզագրական շանթամբոխը։ Կես տարի անց՝ փոքր հաղթանակ ունեցանք. արդեն մի քանի օր է ԱԼՄ հեռուստաընկերության եղանակի տեսությունը ներկա հայոց պետականության իրական սահմաններն է ցույց տալիս։
Առանց աղմուկի, բայց լիքը նյարդեր ու ժամանակ ծախսելով այնուամենայնիվ մեր ուղերձը տեղ հասցրեցինք ։ Տասնյակ մարդկանցից, ում այդ հարցով դիմել էինք, փաստորեն իր խոսքի տերը միայն Տիգրան Կարապետյանը եղավ։
Նշեմ այն մարդկանց անուններն, առանց ում մասնակցության այս գործը տեղից չէր շարժվի.
• Նառա անունով մի աղջիկ, որն առանց որևէ վարձատրության ակնկալիքի պատրաստեց 3D տեսահոլովակը. զրոյից սարքեց տարածաշրջանի ծավալային քարտեզն ու անիմացիա արեց։ [ճշտով՝ այդ աղջկան մաղարիչ ա պետք անել]
• hay18, որին կարելի է (լավ իմաստով) բուլդոզերի հետ համեմատել. չթողեց, որ մեջքներս թուլացնենք, ստիպեց հասցնել ավարտին ամեն ինչ ու ապահովեց հոլովակի տեղ հասնելը։
• 517design, pigh, parcomo, talinci, երեկոյան ու ամառային դպրոցի ուսանողները, շանթամբոխին մասնակցած ու լրատվամիջոցների հետ կապն ապահոված այլ մարդիկ։
Իսկ այն մարդկանց անուններն, ով ասացին ու չարեցին, կռուտիտ եղան, ցրեցին, վախեցան, սկզբից մեծ-մեծ խոսեցին ու հետո քաշվեցին ղրաղ... Ձեր անունները չեմ ուզում հիշել ու ոչ էլ հիշելու եմ :)
Հ.Գ. Խնդրանք. երեկոյան երբ հարմար լինի, մի զլացեք, զանգեք ԱԼՄ, շնորհակալություն հայտնեք իրական սահմաններով քարտեզի համար։